لماذا لن يثور المصريون ؟ ممنوع الضحك

لماذا لن يثور المصريون ؟ ممنوع الضحك

مشاركةبواسطة أميرة نصري » 03 فبراير 2011 22:16





لماذا لن يثور المصريون ؟ ممنوع الضحك


سيناريو ل 2 من "الشباب” المصري المتحمس, قصة قصيرة





تامر : شفت تونس؟


وائل : شفت


تامر : ايه رأيك ؟


وائل :ناس جامدة


تامر : انت عارف ابتدت ازاي؟


وائل :شاب عنده 26 سنة أخدوا عربية الخضار بتاعته, اتخنق، وولع في نفسه, راحت الناس كلها سخنت.


تامر :طب ما تيجي نفكر ازاي نعمل الموضوع ده هنا


وائل : أنا شغال, بس عايزين حاجة كده زي الولد بتاع عربية الخضار ده برضه




تامر : انت ممكن تولع في نفسك عشان مصر؟


وائل :لأ طبعا, وأصلا حتي لو عملتها مش هفرق مع حد غير أهلي


تامر : طب ممكن نولع في مين؟


وائل : ايه رأيك أولع في أمي يوم عيد الأم؟
تامر : الناس مش هتتأثر ، في واحد قتل أمه وهي بتصلي قبل كده عشان 50 جنيه, عايزين حاجة قريبة من الناس



وائل : طيب ايه رأيك نولع في كشري التحرير


تامر : اتعملت قبل كده, لازم حاجة تأثر علي الناس المفكرين



وائل : تيجي نولع في الاوبرا؟


تامر : قديم قوي انت يا مان, ولعت قبل كده, عايزين حاجة ليها معني سياسي.



وائل : خلاص لقيتها, نولع في مجلس الشوري.


تامر : يابني انت فاقد الذاكرة؟ ما النواب ولعوا فيها من كام سنة, عايزين حاجة برة القاهرة,وتوصل وتسمع مع الناس المثقفين .



وائل : بص بقي هي دي, احنا نولع في قصر الثقافة .


تامر : يابني ارحم أمي بقي, ما ولع في بني سويف قبل كده, فكر في حاجة توحد طوائف الشعب .



وائل : لقيتها


تامر : قول



وائل : ايه رأيك حد فينا ينتحر في ميدان عام؟


تامر : ما تجمع شوية, ما لسة واحد دماغه نضيفة سبقنا وراح منتحر من كام شهر عشان معهوش فلوس يتجوز البنت اللي بيحبها, ومفيش بني أدم اتحرك, الحاجات دي أخرها الاخوان المسلمين يعملوا بيها فيديو مع كمانجة حزينة ويحطوه علي يوتيوب . عايزين حاجة الناس بتتأثر بيها كل يوم






وائل : بس خلاص, استني استني


تامر : قول يا زفت


وائل :تيجي نولع في قطر؟


تامر : دولة قطر؟


وائل : لأ قطر, قطار يعني من بتاع الركاب .


تامر : انت طلعت عين أمي, ما لسة قطر العياط مولع, ده من كتر القطورات اللي بتولع الناس بقت بتستني علي شريط القطر عشان يعملوا باربيكيو


وائل : طب يا مان ما كل حاجة كدة ولعت !


تامر : مش عارف, تفتكر ايه ممكن يولع عشان الناس تسخن؟


وائل : مش عارف, سيبني أفكر, انت هتعمل ايه دلوقتي؟


تامر : هاأعدي علي ميرنا نروح نتعشي وبعد كده سينما, بس فاضي باليل, انت هتعمل ايه؟


وائل : هاروح موبينيل أدفع الفاتورة, وأبص علي أي فون 4, وهاروح لا بوديجا مع نيفين


تامر : طب كلمني لما تخلص نروح نلعب طاولة




وائل : خلاص قشطة, وكلمني بكرة بقي عشان نكمل موضوع الثورة ده .

ملطوش
صورة
صورة العضو الشخصية
أميرة نصري
ــــــــــــــــــــــــــــــــــ
ــــــــــــــــــــــــــــــــــ
 
مشاركات: 9817
اشترك في: 21 يوليو 2006 02:02

Re: لماذا لن يثور المصريون ؟ ممنوع الضحك

مشاركةبواسطة مرام » 04 فبراير 2011 03:00

:flex: رح افجر اعز

قولي امتا حنضحك يا تامر ولا ياوائل
ايمتا ح تولع ياما ايمتا
:bash:
:blume: اعز
مرام
ــــــــــــــــــــــــــــــــــ
ــــــــــــــــــــــــــــــــــ
 
مشاركات: 3578
اشترك في: 04 سبتمبر 2007 23:32


العودة إلى العاب, حزازير, طرائف

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر