الحلبية في قاموس الهجات السورية

الحلبية في قاموس الهجات السورية

مشاركةبواسطة سمير صاموئيل عيسى » 28 يوليو 2009 12:07

(هذا) أو بلغه شاميه (ليكه)

كُه(بضم الكاف) او كُهنه======هذا هو (للمذكر القريب المفرد)

كِه (بكسر الكاف) او كِهنه=== هذه هي (للمؤنث القريب المفردة)

كُهاك( بضم الكاف) ======هذا هو (للمذكر البعيدالمفرد)

كِهاك(بكسر الكاف) =====هذه هي للمؤنث البعيد المفرده)

كُهاكين(بضم الكاف)=====هؤلاء هم( لأكثر من واحد للمذكر)

كِهاكين(بكسر الكاف) ====هؤلاء هم(لأكثر من واحد للمؤنث)

استكمالاً للقاموس الحلبي إليكم هذه المجموعة من الكلمات الخاصة بحلب:

جنق وتلفظ (تشنء)... هي الصحن

خوليه ..... هي البشكير أو المنشفة

شمشاية او جماجاية...وتلفظ (تشمتشاي)... . هي يعني معلقه السكب المقعرة

سكرتون.... يعني خزانة

لا تجقجق .... يعني لا تدوس على الماء ( هي إذا كانت الأرض ممسوحة)

عَوْجِة ... كوع

اشبك ؟ --- سؤال استفسار

عَلوّا ... أي يا حبذا (متل اغنية ملحم زين...)

اشلك فصتون ؟ بالتفسير(اش لك في قصتهن) .... يعني بالشامي شو بدك فيون

تَعَوَّقِت ... يعني تأخرت (وبقلك المتل بحلب المتعوق حجتو معو )

باتشاية ... غطاء الوتش ===> الوجه
عجب . . أداة تعجب حلبيه المنشأ (عجب خيو محما را يجي اليوم ولا لا ؟ )

كنجفة و سكمبيل ... تنيناتن مرادف لورق الشدّة

آط .... هي مرادف لكلمة طابق (يعني فلان ساكن بالطابق الخامس أو خامس آط )

فَرْشْخَانِة......هي اللي بيلتم فيا الوسخ..(السفاية)

خِطَّار .... يعني ضيوف

باب الصئاء (السآء).....يعني باب الدار

جوجحانة .. معناها المرجوحة

قفه .... سله من خيزران يوضع فيها التين عادة .....

سَئَّاطَة او سَقَّاطَة و هي القطعة المعدنية اللي بندق فيها باب الصئَاء أو باب البيت

و بتجي كمان بمعنى سَئَّاطة الكبة ، و هي قطعة الكبة بصينية ......

انْصْرَة ..... يعني اغتنم الفرصة (مثال--- انصرة انتو عنا يعني نغتنم فرصة وجودكم عندنا )

فصط ... يعني وسط (شنو عدم المستاخذة : نحن من فصط حلب )

ديوانة ... كناباية

وأخيراً أقدم لكم هذا اللقش مع الشرح و إعراب المفردات :

"إشْ عم تِلْقُشْ أبوي .. ؟؟ تُقْبُشْ قلبي صرلي عايش طول عمري بفصط حلب وطاول طاول ما

سمعت كلمة أَخَرْمِشْ السما . دي حاج تقسيم علينا حج أبو عبدووو "

شرح المفردات :

طاول طاول .... يعني أبداً أبداً
دي بالحلبي أداة تحريكيه .. يعني دي خيو .. خلصنا (هي بالمشرمحي)

وتُعرب هذه الكلمة كالتالي ..دي أداة فَجْلَقَه حلبيه لا محل لها من الإعراب

مصطلحات حلبية عن أسلوب الاختصار:

تاااا ... بدل من تعال

رووو ... بدل من روح

ما راي .... بدل من مالي رايح

ابخالتي ... بدل من ابن خالتي

شأساعه ... بدل من شقد الساعة

صَعِي ... أداة استدراك بمعنى صحيح

وع...يعني وقع..


بس شو رأيكم...؟

نحن الحلبية مو خطيرين بكلامنا...؟

والله اللي مابيعرفنا بفكر انو هدول مسبات...!!!


وصلني عبر البريد الالكتروني
*( إن تفقد مالك ***** فقدت قليلأ )*
*( إن تفقد الشجاعة ***** فقدت كثيرأ )*
*( إن تفقد الكرامة ***** فقدت كل شيء )*
صورة العضو الشخصية
سمير صاموئيل عيسى
ــــــــــــــــــــــــــــــــــ
ــــــــــــــــــــــــــــــــــ
 
مشاركات: 1092
اشترك في: 01 أغسطس 2006 03:06

Re: الحلبية في قاموس الهجات السورية

مشاركةبواسطة Nouya » 29 يوليو 2009 11:32

أبوس روحك ............... للمدح

ورصاص ........... دعاء بالموت

يبلاك بيئتلك ... دعاء بالقتل والضر

خلء ........................ ناس

تاااا ......................... تعال

رووو ...................... اذهب

ما راي ......... لا اريد – لن افعل

أرمغان .. ................. الهديه

مجلوق ........... مدلل و ثقيل الدم

طاول ......................... أبداً

عجب ...................... للدهشة

كني ....................... للأستفهام

دي بئا......................... للتأفف

أبَو ............................للتفاجؤ



تقبلوا تحياتي
[align=center]صورة[/align]
Nouya
رائد فعال
رائد فعال
 
مشاركات: 256
اشترك في: 08 مايو 2007 20:34
مكان: حسكتهم


العودة إلى التاريخ العام

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron