حكاية غمزة…

حكاية غمزة…

مشاركةبواسطة أميرة نصري » 16 نوفمبر 2011 21:51


حكاية غمزة…

هيّي صدفة اصلا لمّا الحياة تغمزك على طريقتا،

غمزة عن غمزة بتفرق و دايما بتعمل تغيير و حتي لو كان التغيير صغير اكيد في شي رح يصير،

مرّات بتغمزك بعين النجاسة و الفوقيّة حتى تذلّك،

مرّات بتغمزك بعين السخافة حتى تبرهنلك ادّيشك ذكي و مستواك بفوق غباها،

و مرّات بتغمزك بعين الوقاحة تتوعّي الوقاحة للي فيك،

و في مرّات بتغمزك بعين التعاطف بس هيدي ما بتاثّر عليك لانّو اصلا انت عايز حدا غير يوقف حدّك،

و مرّات تانية بتغمزك بعين الشفقة و يا ريت بتعمل شي خطوة حتى تشيلك من مصيبتك شو بكون احسن،

و في مرّات بتغمزك بعين فارغة، حسودة، بتنحسك بارضك، وانتبه مش ضرورة تكون عين زرقا و اكتر من هيك اوعا تفكّر انّو معقول تزمط حتى لو كنت لابس كل خرزات الدّني الزّرق،

مرّات كتيرة بتغمزك بعين عم تضحك، عليك، معك ،ولا مرّة بتكون اكيد بس بتضطر تضحك بالمقابل و باغلبيّة الاوقات بتكون طلعت تضحّكت عحالك،

مرّات و هيدي قليل تتصيرعفكرة، بتغمزك بعين العقل للي صار منقرض و قلال للي بيعرفوا يستعملو بحال تم استعمال هالصفر فاصلة صفر واحد بالمية عاساس القسم المتبقّي مصمّدينو … مصروف

و في مرّات بتغمزك بعين، كل اللي بتحسّو ورا هالغمزة هو انك مبسوط و ما بتعرف ليه، مرتاح، كأنّو في شي ضايع و التقى، بتدوب بهالغمزة, بتصير تحلم، تألّف قصص، تبتسم، و ترجع تبتسم من جديد حتى للي حوليك يفكروا انك فرحان من دون سبب بس انت بينك و بين حالك بتكون عارف كتير منيح مين و ليش سبب هالفرحة المرسومة على وجك.

غريب كيف اوقات و من دون اي سابق تخطيط و انذار مفعول هالغمزة بصير حقيقة، الحقيقة بتصير شخص، و هالشخص بصير هو بحد ذاتو الغمزة اللي بتفرّحك، بتغيرك، و بتعطيك امل.

ايه، الغمزة مفعولها هلقد كبير، و بيبقى الاهم انّو نعرف كيف نغمز بالمقابل بالطريقة المناسبة.

ايه، غمزة عن غمزة بتفرق و دايما بتعمل تغيير و حتي لو كان التغيير صغير اكيد في شي رح يصير.

بالشمال او باليمين ما بهمّ، مفعول هالغمزة دايما هو الاهمّ.

هيدي حكايتي غمزتها …. تصبحو ع غمزة.

بقلم الإعلامي شادي ريشا
المرفقات
11111.gif
11111.gif (149.24 KiB) شوهد 986 مرات
صورة
صورة العضو الشخصية
أميرة نصري
ــــــــــــــــــــــــــــــــــ
ــــــــــــــــــــــــــــــــــ
 
مشاركات: 9817
اشترك في: 21 يوليو 2006 02:02

Re: حكاية غمزة…

مشاركةبواسطة أميرة نصري » 16 نوفمبر 2011 21:53

:Alhawe: :mrblue: :Alhawe:
المرفقات
10.gif
10.gif (97.96 KiB) شوهد 985 مرات
صورة
صورة العضو الشخصية
أميرة نصري
ــــــــــــــــــــــــــــــــــ
ــــــــــــــــــــــــــــــــــ
 
مشاركات: 9817
اشترك في: 21 يوليو 2006 02:02


العودة إلى قصة ومقالة

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر