• ×

قائمة

لأنهم بنات بقلم محمد ذكي . مصر

زيادة حجم الخط مسح إنقاص حجم الخط
جزيرة كوم لانهـا بنـت ..

معـرفتش تبئـى حـاجـه .. عشـان اهلهـا رفضـوا تعليمهـا من وهـى صغيـره .. عشان التعليـم مضر بالصحـه للبنــات

لانهـا بنت ..

مـينفعـش تسـافر مكـان مستقبلهـا فيـه .. عشان بنت

لانهـا بنت ..

اي شاب منحـط .. اعتبرهـا ملكـه .. واتحرش بيهـا .. ولانهـا بنت بردو ..مينفعـش تمـد ايدهـا عالشـاب ده وتمـوته م الضـرب .. عشـان عيب تعمـل كده كده بتفضـح نفسهـا .. وكـأن الـ عمله الشـاب من شويه ده .. حلال وحقـه ؟! ومش عيـب

لانهـا بنت ..

مينفعش تبئـى انسـانه كامـله من غيـر ما تتجـوز .. قبـل ما تتجوز .. بتبئى عبـاره عن كـائن هلامى .. ليس له دور فـ المجتمع

لانهـا بنت ..

مينفعش تخـرج مع صحـابها .. لازم تفضل محبـوسه بين اربع حيطان .. عشان خاطـر ميجرلهاش حاجـه من شاب منحـل ... وكـأن المعاكسـات والتحـرش بئى شئ عادى .. فـ الـ مش عاوزه يتقي شره يحبس بنتـه وميخرجهـاش لغايـة ما يجيلهـا اكتئـاب ؟؟!

لانهـا بنت ..

مينفعش تثــور .. لو شاركـت فـ الثوره او فـ مظـاهره .. تبئى مش محترمـه

لانهـا بنت ..

فـا فهمـوها .. انها مينفعش تحـلم او تحقق حلمهـا الا مع سبع البرومبه جعفر افندى الشنكحاوى .. الـ هيخطفها عالجامـوسه ويطيـر بيها لزريبـة حبهـم .... يعنـى لو ماتت وهى متجوزتش يبئى احلامها كلها فشوش ..

لانهـا بنت ..

اول ما اتـولدت عايـروا امهـا بيهـا .. وانهـا مجبتش ولـد ..

وبردو لانهـا بنت ..

ابوهـا وامهـا .. مفرحـوش بيهـا لما اتـولدت .. عشان هتبـئى عاله عليهـم ..

لانهـا بنــت ..

ليــه لما الولـد يبئى بيشرب سجايـر ومصاحـب واخلاقـه وحشـه وفـ النازل .. بمجـرد انه يتوب ويخـش المسـجد ويصلـى ... كل الناس تقول :

"لا ما شاء الله ده فلان بئى محترم دلؤتى .. ده بئى محتـرم وراجــل ربنــا يحميــه "

لكـن لما البنــت بئى تغـلط غلط مثلا وتكـلم او تصـاحب .. بس فهمـت غلطها ... وتابت لربنـــا وبئـت محترمــه وما شـاء الله عليـها متدينـه ...

سبحـان الله نفس الناس الـ اتكلمـو عالشاب من شويـه ومدحـوه .. هما هما الـ لما شافو البنت تابت وقالــوا :

" اسكت انت متعرفش دى كانت كذا وكذا دى بنت مش محترمه ... دى كانت ماشيه مع كـذا ... رغـم ان كل الـ قالوه محطوط فـ خبر (كان) والحـاضر يدل على غير كـده "

وهنـا بئى السؤال يقـول للناس دول : انتـو ميـن علشان الشـاب تقبلـو توبتـه ( استغفر الله فـ الجملـه ) ومتقبـلوش توبة البنــت ؟ .. هو انتو ربنـا ؟؟

هو ربنـــا هيقبـــل توبة الـولـد لانه ولـد .. ومش هيقبـل توبة البنــت مثلا ؟؟

انتو تطـلعو ميــن ؟ .. علشــان تدو الـولد صلاحيـات الغـلط وتـدولو صلاحيات التوبـه ؟ .. والبنـت تدوهــا بردو صلاحيــات الغـلط .. بس لمــا تتوب للاسف بتلاقي عقول متخـلفه .. غيـر معترفـه انهـا بئت بنـــت محترمــه ؟

واخــر كلامى .. " سحــقاً لمجتــمع ... بيفــرق فـ المعامـــله .. وبيحط حـدود وتقاليـد غـلط ولسـه متربسيــن عقولهــم والبنـت فـ نظرهـم يا تبئى ملاك يا تبـئى شيطان .. مع انهـا بشـر والبشــر خطاؤون
بواسطة : Administrator
 0  0  628
التعليقات ( 0 )

جميع الأوقات بتوقيت جرينتش +2 ساعات. الوقت الآن هو 18:17 الثلاثاء 22 أكتوبر 2019.