• ×

قائمة

مسلمون يصلون صلاة الجمعة فى كنيسة بامريكا. بقلم بطرس رشدى جندى

زيادة حجم الخط مسح إنقاص حجم الخط
جزيرة كوم فيه واحد اسمه محمد الجوهرى بيحكى ويقول النهاردة كانت واحدة من اهم تجاربي في امريكا ... صلاة الجمعة النهاردة كانت في كنيسة بتبعد كام بلوك عن البيت الابيض عشان مفيش مسجد قريب ، المسلمين استأجروا مكان في الكنيسة عشان صلاة الجمعة ، انا كنت متوقع مثلا اني الاقي الصلاة في حتة مقفولة او في البدروم زي ما كان عندي في الجامعة ان المركز الاسلامي كان مستأجر بدروم في الكنيسة ، روحت هناك لقيت المسلمين قاعدين في الحرم الرئيسي للكنيسة ووراهم المقاعد الطويلة اللي بنشوفها في كل كنيسة ، الكنيسة كانت جميلة جدا ... ايقونات مسيحية غاية في الجمال ، الصلبان تحيط بنا من كل مكان ، وطول الخطبة تسمع ايات الذكر الحكيم من الامام على اصوات اجراس الكنيسة .
وقعدت افكر لو ده حصل في مصر ، وجه مجموعة مسيحيين مالهومش مكان عبادة وراحوا لامام مسجد المنطقة وطلبوا منه انهم يصلوا في الجامع يوم الاحد ها يحصل فيهم ايه ، اكيد هايتنفخوا وياخدوا علقة سخنة ، مع اننا شعب متدين بطبعه ومتسامح برضوه بطبعه.
خلصنا وانا خارج لقيت واحدة مسيحية في اخر الكنيسة قاعدة بتصلى صلاتها ، وعادي الناس خرجت ولا حصل نفير عام ولا عامل الكنيسة فتح الميكرفون وقال انقذوا المسيحية ... دينكم يحارب في ارضه
بواسطة : Administrator
 0  0  787
التعليقات ( 0 )

جميع الأوقات بتوقيت جرينتش +2 ساعات. الوقت الآن هو 02:55 السبت 7 ديسمبر 2019.