• ×

قائمة

هريسة نبكية

زيادة حجم الخط مسح إنقاص حجم الخط
منقولة هريسة نبكية دايبة دوبان ومتماسكة وشقرا
3 كاسات سميد وسط
كاسة ونص حليب فاتر وليس ساخن
كاسة ونص سكر
ملعقة صغيرة ممسوحة بيكنبودر

القطر
3 كاسات سكر
كاسة ونص مي ورشة صغيرة ملح ليمون بيغلو عشر دقايق بدون تحريك
ويوضع فوقه 3 ملاعق سمنة طيبة يفضل حيواني
القطر يوضع ساااخن والهريسة ساخنة

مكسرات للتزيين حسب الرغبة
الفستق لازم تنقعيه بمي باردة 4 ساعات

اول خطوة بحط الحليب عالنار ليصير دافي وليس ساخن
بخلط السميد والسكر والبيكنبودر بجاط
بحط الحليب فوق مزيج السميد والسكر وبحرك ليتمازجو ويقضل خفقها بشدة مجرد مرتين او تلاتة وبس لا نكتر من الخفق رح يكون المزيج فيو سيولة
بغطيه وبتركه ساعتين على الاقل
انا غالب الاحيان بتركه ساعتين ..ومبارح تركته 4 ساعات
السميد بشرب المي وبصير عجينة كثيفة
بمدها بصينية قياس 32 مدهونة طحينة وببل ايدي بشوي مي لتساعدني اسوي السطح
بقطعها تقطيع مبدأي ليساعدني اوزع المكسرات ع كيفي
بدخلها فرن حاامي نار من تحت انا بحطه ع اعلي شي
كل ما طولت بالفرن كل ما نشفت وقسيت
بس يحمر اسفلها بطالعها وبرجع بقطعها
وبدهن وجهها بمزيج ملعقة سمنة مع ملعقة قطر بارد
برجع بدخلها الفرن والنار بس من فوق لحتى يحمر الوجه
بهالاثناء بكون حطيت عيار القطر عالنار
وبس يجهز بطفي وبحط 3 ملاعق سمنة حيواني
بس طلعت الهريسة من الفرن هي وساااخنة بحط القطر اللي غليان نار
باول شي رح تحسيها عمتسبح بالقطر بس لاتخافي دقايق وبتشربهن
بتتركيها تشرب القطر وبس يختفي بتزيني بجوز الهند ان بدك وبتتركيها تصير بحرارة الغرفة
وبعدها عالبراد ساعتين ممنوع تقطعيها قبل ساعتين
وهي هريستنا صارت جااهزة

image
image
image
بواسطة : a3az elnas
 0  0  4.7K
التعليقات ( 0 )

جميع الأوقات بتوقيت جرينتش +2 ساعات. الوقت الآن هو 19:14 السبت 21 سبتمبر 2019.