• ×

قائمة

البيتزا الصياامي

زيادة حجم الخط مسح إنقاص حجم الخط
مطبخ منال 3 أكواب دقيق.
2 ملعقة خميرة فورية
1/2 ملعقة صغيرة ملح.
كوب ماء دافئ
3 معالق كبيرة زيت ذرة.

طريقة عمل عجينة البيتزا:
1- هنخلط كوب ونصف الدقيق مع الخميرة والملح وبعد كده نضيف المية والزيت، ونضربهم كلهم بمضرب البيض الكهربائي على سرعة عالية لمدة 3 دقائق.
2- هنضيف باقي الدقيق إلى الخليط السابق ونقلبه باستخدام ملعقة خشبية.
3- هننقل العجينة على رخامة المطبخ أو على لوح خشبي وهنبدأ في عجنها بإيدينا لغاية ما نلاقيها بقت طرية ومطاطة وسهلة التشكيل على شكل دوائر كبيرة.
4- هننقل العجينة إلى الطبق البلاستيك أو طبق زجاجي كبير وندهنها بالزيت ونغطيها بقطعة قماش ونسيبها في مكان دافي لمدة ساعتين علشان تخمر وحجمها يزيد...

مقادير الحشو :
1 حبة فلفل أخضر مقطعة
1/2 كوب صلصة بيتزا أو "معجون طماطم"
2 حبة طماطم مقطعة
بصلة متوسطة الحجم مقطعة حلقات
1 كوب عيش الغراب مقطع شرائح
2 فص ثوم مفروم
1 ملعقة صغيرة زعتر
1/2 ملعقة صغيرة فلفل أسود
عرقان من الكرفس مقطعان قطع صغيرة
زيتون أسود مقطع دوائر.

الطريقة:
1- هنقطع عجينة البيتزا إلى قطع صغيرة مدوّرة ونحطها على رخامة المطبخ أو على سطح خشبي مرشوش بالدقيق وهنبدأ في فردها علشان تغطي صاج أو صينية البيتزا وبعد كده نحطها في الصينية بس ناخد بالنا إننا قبل ما نحطها ندهن الصينية بالزيت.
2- هنضيف صلصلة البيتزا فوق العجينة ونرش الثوم المفروم ونضيف الفلفل الأخضر والطماطم والبصل والكرفس والزيتون الأسود وعيش الغراب ونرش الفلفل الأسود
3- هنسخن الفرن على درجة حرارة "220 - 200 ْ مئوية" بعد كده ندخل الصينية في الفرن لمدة 15 دقيقة وبعد ما نلاقي وشها احمرّ نخرجها..
ونقطع البيتزا على شكل مثلثات.
بواسطة : a3az elnas
 0  0  4.6K
التعليقات ( 0 )

جميع الأوقات بتوقيت جرينتش +2 ساعات. الوقت الآن هو 15:54 الأربعاء 23 أكتوبر 2019.