• ×

قائمة

حزب الاتحاد السرياني: مصلحة السريان هي الاهم من الان وصاعداً

زيادة حجم الخط مسح إنقاص حجم الخط
 اعلن رئيس حزب الاتحاد السرياني ابراهيم مراد انه من الان وصاعداً بالنسبة للحزب مصلحة السريان في لبنان هي الاهم، لاننا نرى ان كل الاحزاب الحليفة لنا في قوى 14 آذار والاحزاب الخصمة في المعارضة تنادي بان لبنان هو الاهم بالنسبة لها بينما على ارض الواقع نرى ان كل حزب يستقتل في المنادات بحصة وحق كل طائفة يمثلها، داعياً كل المؤسسات السريانية للعمل يداً واحدة لبناء البيت السرياني الداخلي اولاً على اسس متينة وصلبة لكي نستطيع المساعدة في بناء الوطن ومن ثم نساعد في بناء بيوت الاقارب والجيران.

كلام مراد جاء خلال اقامة الحزب قداساً واحتفالاً ترأسه راعي ابرشية جبل لبنان للسريان الارثوذكس جورج صليبا في كنيسة السيدة العذراء في برج حمود الاحد في 18/10/2009 ، بمناسبة تقديم حزب الاتحاد السرياني بالتعاون مع الاتحاد السرياني الاوروبي باصين لمدرسة الترقي السريانية التابعة للطائفة. حضر الاحتفال:
ممثلي احزاب قوى 14 آذار في منطقة المتن الشمالي القوات اللبنانية، الكتائب اللبنانية، الوطنيين الاحرار، واعضاء مجلس بلدية برج حمود، وبلدية الجديدة البوشرية السد، كذلك مسؤولي المؤسسات السريانية وحشد من اهالي وتلاميذ المدرسة وقيادة واعضاء حزب الاتحاد السرياني.

بدأ الاحتفال بالنشيد الوطني اللبناني عزفته فرقة موسيقية من فوج هنيبعل للكشاف السرياني اللبناني والنشيد السرياني، ثم كلمة لرئيس الحزب ابراهيم مراد، وكلمتين لادارة المدرسة الممثلة بالاستاذ روبير كبريال والدكتور سمير كولو حيث شكرا رئيس حزب الاتحاد السرياني وقيادة الاتحاد السرياني الاوروبي على هذا الدعم المميز للمدرسة ودعيا كل المؤسسات السريانية ان تحذو حذو الحزب في العمل المنظّم والممنهج خدمةَ للطائفة وللبنان.
ثم ختم راعي الاحتفال المطران جورج صليبا بكلمة شاكراً فيها حزب الاتحاد السرياني على غيرته ومحبته للطائفة وشاكراً اياه على الدعم الدائم والمستمر الذي يقدمه الحزب للمؤسسات الكشفية والخيرية في الطائفة.
كذلك توجه بالشكر لابناء الطائفة السريانية في جميع انحاء العالم على الدعم المستمر لابناء الطائفة في الشرق الاوسط.
ختاماً، تسلم المطران جورج صليبا مفاتيح الباصين من امين عام الحزب الاستاذ جو اسود ومن امين الشؤون الاجتماعية في الحزب المهندس رمزي نجار.



كلمة رئيس حزب الاتحاد السرياني السيد ابراهيم مراد
خلال حفل تسليم اوتوكار عدد2 لمدرسة الترقي السريانية
كنيسة السيدة العذراء ومبنى مدرسة الترقي السريانية بر ج حمود
الاحد 18/10/2009


كل ما نبني حجر بمدرسة، منكون عم نبني وطن.
وكل ما منربّي جيل، منكون عم نبني وطن.
والمدرسة والاجيال ما هنّي الا تلاميذ صغار، بكر بصيروا كبار ووبيبنوا مستقبل ووطن.
من هالمنطلق يا احبا اجت هالخطوة الصغيرة يللي قمنا فيا تجاه تلاميذ وادارة مدرسة الترقي السريانية، بالتعاون مع قيادتنا العليا بالاتحاد السرياني الاوروربي، وبدعم من بعض الخيّرين من ابناء شعبنا بتركيا واوروبا بدّي قلّن بالسرياني تاودي ساغي وبدي قلّن لولا دعمكن النا، ولولا ثقتكم فينا ما كنا قدرنا نساعد بعض المرضى بثمن ادوية الامراض المستعصية، وما كنا قدرنا نساعد بعض الطلاب بالاقساط المدرسية. هالخطوة الصغيرة تجاه مدرسة الترقي، انشالله قريباً رح تصير خطوات كبيرة، لانو نحنا هلق واكيد بعد طلب بركة سيدنا جورج وبعد طلب موافقة ادراة المدرسة رح نطلق بالتعاون مع قيادتنا العليا بالاتحاد السرياني الاوروبي مشروع توأمة لتلاميذ المدرسة. لانو نحنا منأمن انو العلم والمعرفة هني اساس لتطور الشعوب والاوطان.
يا احبا ويا رفاق من اليوم الاول يللي اعلنا فيه نيتنا مساعدة ادارة المدرسة وتلاميذا، بلشنا نسمع اصوات اشخاص ما بيعملوا اي شي بالحياة غير النقد. هالاصوات عم بتقول، شو حزب الاتحاد السرياني بدو يحط ايدو عالمدرسة ويصادر الطايفة.
يا احبا انا اليوم هون لاكّد لسيدنا جورج بالدرجة الاولى، ولادارة المدرسة بالدرجة التانية، ولاهالي التلاميذ بالدرجة التالتة ولقيادة واعضاء الحزب بالدرجة الرابعة، الحزب ما بدو يحط ايدو و يصادر اي مؤسسة سريانية من المؤسسات يللي عم بيساعدا مادياً، الحزب ما رح يسمح لنفسو يتدخل بشؤون ادارة المدرسة او بشؤون ادارة اي مؤسسة ثانية. الحزب همّو يساعد ادارة المدرسة برفع الاعباء المالية الكتير كبيرة عليا، الحزب بدو المدرسسة يرجع مستواها العلمي لسابق عهدو، للعهد يللي كانو تلاميذا يتفوقوا بالنجاح بالامتحانات الرسمية بنسبة بتفوق الـ 90%. الحزب بدو تشدد الادارة على تعليم لغتنا وهويتنا وعقيدتنا السرياينة، والا كيف منحافظ على تراثنا وتاريخنا، وكيف منخرّج اجيال تكمّل المسيرة بعدنا.
يا احبا ويا رفاق بهالدنيا ما في شي صعب ومستحيل.
منشان هيك اليوم بدي اتوجّه لكل الشرفا والاوفيا والصادقين والمخلصين بهالطايفة، من رجال دين وعلمانيين، ومن كل المؤسسات الكشفية، والثقافية، والخيرية، والرياضية وغيرا، تأطلب منّن نحط ايداينا كلنا سوا مع بعضنا تنبني بيتنا الداخلي ونطور مجتمعنا ونحافظ على استمراريتنا ووجودنا، بدي اطلب من الكل انو المنافسة تكون شريفة بين المؤسسات وتكون على اساس خدمة شعبنا ووطننا، ومش على اساس النكايات ببعضنا. النكايات بعمرا ما بتبني مجتمع ووطن. كمان بهيدي المناسبة بدي اتوجه بشكل خاص لبعض الطلاب الجامعيين والمثقفين والمفكّرين يللي زعلانين وباعدين عن الطايفة لاسباب عديدة. مش الهروب هو الحل ومش بالهرب منصحح الخلل. نحنا ابناء حضارة عمرا اكثر من 12 الف سنة عطت البشرية العلم والثقافة، رجعوا لاحضان كنيستكن انضموا للعمل المؤسساتي وتعلموا تحاسبو وتقولو الحقيقة مهما كانت صعبة لانو صاحب الحق سلطان.
رجعوا لانو اليوم بشفافيتنا، وبمصداقيتنا، وبمحاربتنا للفساد والمفسدين وللسماسرة والتجار يللي هربوكن منقدر نبني مدارس، وجامعات، ومستشفيات، ومساكن شعبية، ومعامل ومصانع، ومنقدر ننتزع حقوقنا السياسية، تعوا نحط ايدينا كلنا سوا تبني بيتنا الداخلي على اساس صلب ومتين. والله تعبنا بقا نعمّر بيوت الاقارب والجيران. ما نحنا بيتنا مهبّط وما حدا عم بيساعدنا بعمارو. كلنا اليوم عم نشوف انو كل الاحزاب اللبنانية الحليفة لالنا بثورة الارز او بالاحزاب الخصمة بالمعارضة كلن بيقولوا لبنان هو الاهم، لبنان هو الاساس، مصلحة البلد فوق الكل، بينما على ارض الواقع كل حزب عم بيشتغل ويطالب بحصة الطايفة يللي بيمثلها طبعاً بشكل متفاوت. الا نحنا السريان من سنة 1850 منقول البلد اهم، حماية الارزات هو الاساس، معليش نحن بيهمنا مصلحة البلد وما بيهمنا مصلحة طايفتنا الخاصة. بس هالحكي من اليوم وبالرايح بالنسبة النا بحزب الاتحاد السرياني، الشعب السرياني هو الاهم مصلحة الطايفة هيي الاهم لانو اذا ما بنينا الطايفة ونحنا بنظام طائفي ما رح نقدر نشارك ببناء الوطن، سمعوا الاخبار على التلفزيونات وشوفو كيف كل حزب مستقتل بدو حقوق طايفتو بالوزارة وبالادارة، نحن وين ومين عم يساعدنا.
بالنهاية نحنا احفاد ارام، وحمورابي، وآشور بانيبال، مارح نتعب ومارح نستسلم ويللي مراهن على تعبنا هوّي الخسران.


عشتو، عاش حزب الاتحاد السرياني
ليحيا السريان ولبنان.

مشاهدة الموضوع مع الصور
بواسطة : Administrator
 0  0  988
التعليقات ( 0 )

جميع الأوقات بتوقيت جرينتش +2 ساعات. الوقت الآن هو 18:10 الخميس 18 يوليو 2019.